दूधको भाउ ६ रुपैयाँ बढ्यो, किसानले पाउलान् कि डेरी मोटाउलान् ?

25

झापा, २० भदौ–सरकारको स्वीकृतिमा दुग्ध विकास संस्थानको दूधको मूल्य प्रतिलिटर ६ रुपैयाँ बढाएको छ । कृषि तथा पशुपक्षी विकास मन्त्रालयले बिहीबार दूधको मूल्य वृद्धि गर्ने निर्णय गरेको मन्त्रालयका सहप्रवक्ता प्रदिपचन्द्र भट्टराईले जानकारी दिए ।

‘हामीले मन्त्रालयमा निर्णय गरी दुग्ध विकास संस्थानलाई स्वीकृति दिएका छौँ’ भट्टराईले भने, ‘अब त्यसलाई संस्थानले कार्यान्वयन गर्छ ।’

उत्पादन लागतका आधारमा उचित मूल्य नपाएको भन्दै मूल्य नबढाए आन्दोलन गर्ने किसानले चेतावनी दिएपछि सरकारले स्वीकृति दिएको हो । ७० रुपैयाँ लिटरमा बिक्री हुँदै आएको दूधको उपभोक्ता मूल्य ७६ रुपैयाँ पुग्नेछ ।

दुधको मूल्य बढे पनि झापाका डेरीले किसानलाई ‘मुर्गा’ बनाउने क्रम रोकिएको छैन । फ्याट, एसएनएफ लगायतको नाममा किसानले मूल्य पाउन सकेका छैनन् भने त्यही दुधको क्रिम निकालेर महँगो मूल्यमा बेचिरहेका छन् ।

न उपभोक्ताले गुणस्तरीय दुध सेवन गर्न पाएका छन् न त किसानले उचित मूल्य पाएका छन् । बिचौलिया झन् झन् मोटाएका छन् ।

Facebook Comments
0Shares